افغانستان کے صوبے تخار میں فضائی کارروائی کے نتیجے میں 12 افراد ہلاک ہوگئے جبکہ 14 زخمی ہیں۔
افغان میڈیا رپورٹس کے مطابق فضائی کارروائی گزشتہ روز افغانستان کے صوبے تخارکے ضلع بھارک میں کی گئی تھی، جس میں ایک مدرسے کو نشانہ بنایا گیا تھا۔
میڈیا رپورٹس کا کہنا ہےکہ افغان سیکیورٹی فورسز نے فضائی کارروائی پرابھی کوئی ردعمل نہیں دیا کیونکہ واضح نہیں ہوا کہ فضائی حملہ افغان فورسز یا غیر ملکی فورسز نے کیا ہے۔
