ثنا جاوید جلد شادی کرنے والی ہیں؟ مداح کا سوال

ثنا جاوید جلد شادی کرنے والی ہیں؟ مداح کا سوال 132

جیو انٹرٹینمنٹ کے مقبول ترین ڈرامہ سیریل ’خانی‘ سے شہرت پانے والی نامور اداکارہ ثنا جاوید کے نئے برائیڈل شوٹ کی تصویریں سوشل میڈیا پر وائرل ہوگئی ہیں جس کے بعد مداح اداکارہ سے اُن کی شادی کے بارے میں سوال کر رہے ہیں۔

متعدد ڈراموں میں حیرت انگیز اداکاری کرکے لاکھوں مداحوں کے دل جیتنے والی خوبرو اور باصلاحیت اداکارہ ثنا جاوید نے فوٹواینڈ ویڈیو شیئرنگ ایپ انستاگرام پر اپنی نئی تصویریں پوسٹ کی ہیں جن میں اداکارہ سلور رنگ کے خوبصورت عروسی لباس میں ملبوس ہیں۔

ثنا جاوید نے انسٹاگرام پر تصویر پوسٹ کرتے ہوئے کیپشن میں کچھ لکھے بغیر صرف ’انگوٹھی‘ والا ایموجی بنایا جسے دیکھنے کے بعد مداحوں نے اُن سے سوال کیا کہ آپ جلد شادی کرنے والی ہیں؟

اداکارہ کی جانب سے پوسٹ کی جانے والی کچھ تصویروں میں اُنہوں نے اپنے چہرے پر گھونگٹ ڈالا ہوا ہے۔

اداکارہ کی دلکش تصویریں دیکھ کر مداح اُن کی تعریف کیے بغیر نہ رہ سکے اور اُن کی پوسٹس پر تبصرے کرتے ہوئے اُنہیں ’بیوٹی کوئین‘ کا خطاب دے دیا۔

ثنا جاوید کے اس نئے برائیڈل فوٹو شوٹ پر لاکھوں کی تعداد میں لائکس اور کمنٹس آرہے ہیں کیونکہ مداحوں نے کافی عرصے کے بعد ثنا جاوید کو اس طرح کسی عروسی لباس میں دیکھا ہے۔

اس خبر پر اپنی رائے کا اظہار کریں

اپنا تبصرہ بھیجیں