ریا چکرورتی کا بھائی اور سشانت کا مینجر گرفتار

ریا چکرورتی کا بھائی اور سشانت کا مینجر گرفتار 135

لمحہ با لمحہقومی خبریںبین الاقوامی خبریںتجارتی خبریںکھیلوں کی خبریںانٹرٹینمنٹصحتدلچسپ و عجیبخاص رپورٹ
ریا چکرورتی کے بھائی شووک اور سیموئل مرانڈا گرفتار
سشانت سنگھ راجپوت کی گرل فرینڈ ریا چکرورتی کے بھائی شووک چکرورتی اور اُن کے ہاؤس مینیجر سیموئل مرانڈا کو ڈرگس معاملے میں پوچھ گچھ کے بعد این سی بی نے گرفتار کرلیا۔

بھارتی میڈیا رپورٹس کے مطابق سشانت سنگھ خودکشی کیس میں اب سی بی آئی کے علاوہ ای ڈی اور نارکوٹکس کنٹرول بیورو (این سی بی) نے بھی تحقیقات شروع کردی ہیں۔ چند روز قبل این سی بی کی ٹیم نے سشانت کے ہاؤس منیجر سیموئل میرانڈا کو ڈرگس سپلائی کرنے کے الزام میں ممبئی سے دو افراد کو گرفتار کیا تھا۔

گرفتار افراد میں سے ایک ’عبدالباسط پریہار‘ کا تعلق باندرا سے بتایا جارہا ہے جبکہ دوسرے ’زید ولاترا‘ نامی شخص کا تعلق بھارتی شہر اندھیری سے ہے۔ این سی بی کی ٹیم نے عبدالباسط پریہار کو آج عدالت میں پیش کیا تھا جس کے بعد عدالت نے 9 ستمبر تک باسط کو این سی بی کے حوالے کردیا۔

اب این سی بی عبدالباسط کو شووک چکرورتی اور سیموئل مرانڈا کے سامنے بٹھا کر پوچھ گچھ کر رہی ہے۔ این سی بی کی جانب سے کی جانے والی تحقیقات میں یہ بات واضح ہوگئی ہے کہ شووک چکرورتی ڈرگس سپلائر عبدالباسط سے ڈرگس خریدتا تھا، لیکن ابھی یہ نہیں پتہ چل سکا ہے کہ شووک اسے آگے کسے دیتا تھا۔

ریا چکرورتی کے بھائی شووک اور سیموئل مرانڈا گرفتار
میڈیا رپورٹس کے مطابق شووک اور ریا چکرورتی کے علاوہ ایک اور اداکار کا نام اس معاملے میں سامنے آیا ہے لیکن این سی بی نے ابھی اُس نام کا انکشاف نہیں کیا ہے۔

این سی بی کی جانب سے کی جانے والی تحقیق میں شووک چکرورتی نے اس بات کا بھی اعتراف کیا ہے کہ اُس نے اپنی بہن ریا چکرورتی کے لیے ڈرگس خریدی تھی۔

نارکوٹکس کنٹرول بیورو کی ٹیم سشانت سنگھ راجپوت خودکشی کیس میں مختلف پہلووں سے تحقیق کررہی ہے، گزشتہ روز ریا چکرورتی کے گھر سے این سی بی کی ٹیم کو کچھ خاص ثبوت نہیں ملے لیکن اس کے باوجود شووک اور سیموئل مرانڈا کو گرفتار کرلیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں