ڈائریکٹر آف ایجوکیشن بلوچستان نے اسکول کھولنے سے متعلق مراسلہ جاری کر دیا ہے جس کے مطابق صوبے بھر کے تمام اسکول پہلے سے دیئے گئے شیڈول کے مطابق کھولے جائیں گے۔
ڈائریکٹر آف ایجوکیشن بلوچستان کے جاری کیئے گئے مراسلے کے مطابق صوبے میں شیڈول کے مطابق 23 ستمبر سے مڈل اور 30 ستمبر سے تمام پرائمری اسکول کھول دیئے جائیں گے۔
مراسلے میں کہا گیا ہے کہ کورونا وائرس کی ایس اوپیز پر پر عمل کرتے ہوئے تعلیمی سرگرمیوں کو بحال کیا جائے گا۔
ڈائریکٹر آف ایجوکیشن بلوچستان کے مراسلے میں مزید کہا گیا ہے کہ جن اساتذہ اور طالب علموں میں کورونا وائرس کی تشخیص ہو گی انہیں 14 روز کے لیے سیلف قرنطینہ میں رکھا جائے گا۔
ڈائریکٹر آف ایجوکیشن بلوچستان کی جانب سے جاری کیے گئے مراسلے میں یہ بھی کہا ہے کہ یہ اساتذہ و طلباء کورونا سے تندرست ہونے کے بعد دوبارہ اسکول آسکیں گے۔
