سعودی عرب کے شہر جدہ میں ڈاکٹروں کی ٹیم نے ایک مریض کی زندگی بچالی، اس کے پیٹ سے 230 کیلیں اور شیشے کا ایک ٹکڑا برآمد کر لیا گیا۔
سعودی ترجمان محکمہ صحت نے اپنے جاری بیان میں اس کی تصدیق کرتے ہوئے کہا کہ جدہ اسپتال میں ایک ذہنی مریض علاج کے لیے لایا گیا جو شدید تکلیف میں مبتلا تھا۔
طبی معائنے کے بعد انکشاف ہوا کہ اس کے پیٹ میں لاتعداد کیلیں موجود ہیں جس کے بعد فوری آپریشن کا فیصلہ کیا گیا۔
ڈاکٹروں نے طویل آپریشن کے بعد اس کے پیٹ سے ایک عدد شیشے کا ایک ٹکڑا اور 230کیلیں نکال لیں، اب مریض کی حالت خطرے سے باہر بتائی جارہی ہے۔
