تھائی لینڈ کے وزیراعظم پرایوت چن اوچا نے پریس کانفرنس میں ناپسندیدہ سوال کا جواب دینے سے بچنے کیلئے صحافیوں پر سینی ٹائزر کا اسپرے کر ڈالا۔
تھائی لینڈ کے وزیراعظم سے پریس کانفرنس کےدوران صحافیوں نے کابینہ میں ردوبدل سےمتعلق سوال پوچھا جس پر وزیراعظم نےجواب سے بچنے کیلئے سینی ٹائزر کی بوتل اٹھا کر صحافیوں پر اسپرے کردیا۔
تھائی لینڈ کے وزیراعظم ریٹائرڈ آرمی جنرل ہیں اور 2014 کی فوجی بغاوت کے بعد سے اقتدار میں ہیں۔
ماضی میں بھی وہ رپورٹر کے سر پر چپت لگاتے، اس کا کان مروڑتے آن کیمرا پکڑے جا چکے ہیں۔
